na urdu aur na hindi bolti hai

na urdu aur na hindī boltī hai

ġhazal chāhat kī bolī boltī hai

ham us tahzīb ke qaa.il nahīñ haiñ

jo dehātī ko jañglī boltī hai

jalī roTī kā dukh shauhar ke tā'ne

kabhī sunñā chañgerī boltī hai

khaḌe haiñ lafz nā-zebā safoñ meñ

ye kis lahje meñ vardī boltī hai

ham ahl-e-fan kī fikrī ishtihā se

umūman chā.e-maTThī boltī hai

vagarna boriyat se mar hī jaate

ġhanīmat hai ḳhamoshī boltī hai

musalsal ghar ke ḳhālī bartanoñ se

hamārī tang-dastī boltī hai

milan ke vaqt itnā dhyān rakhnā

bahut ūñchā masahrī boltī hai

shabāb aatā hai jab kaliyoñ ke uupar

to phir sīnoñ se imlī boltī hai

na urdu aur na hindi bolti hai

ghazal chahat ki boli bolti hai

hum us tahzib ke qail nahin hain

jo dehati ko jangli bolti hai

jali roTi ka dukh shauhar ke ta'ne

kabhi sunna changeri bolti hai

khaDe hain lafz na-zeba safon mein

ye kis lahje mein wardi bolti hai

hum ahl-e-fan ki fikri ishtiha se

umuman chae-maTThi bolti hai

wagarna boriyat se mar hi jate

ghanimat hai KHamoshi bolti hai

musalsal ghar ke KHali bartanon se

hamari tang-dasti bolti hai

milan ke waqt itna dhyan rakhna

bahut uncha masahri bolti hai

shabab aata hai jab kaliyon ke upar

to phir sinon se imli bolti hai