na wo ghar raha na wo baam-o-dar na wo chilmanen na wo palki

na vo ghar rahā na vo bām-o-dar na vo chilmaneñ na vo pālkī

magar ab bhī merī zabāñ pe hai vahī dāstāñ sin-o-sāl kī

chalo bāl-o-par ko sameT leñ kareñ fikr ab kisī Daal kī

ye ġhurūb-e-mehr kā vaqt hai ye ghaḌī hai din ke zavāl kī

sabhī mausamoñ se guzar gayā koī bojh dil pe liye hue

mujhe raas aa.ī na rut koī na vo hijr kī na visāl kī

thā diloñ kā ye bhī ik imtihāñ ki takallufāt the darmiyāñ

mujhe Dar thā us ke javāb kā use fikr mere savāl kī

jo chale to rāh-e-amāñ nahīñ jo ruke to manzileñ kho ga.iiñ

tirī rahguzar bhī ajiib hai tirī manzileñ bhī kamāl kī

mire zaḳhm saare mahak uThe jo chalī havā-e-nihāl-e-ġham

koī dasht-e-jāñ se guzar gayā uThī gard tere ḳhayāl kī

vo mujhe milā bhī to is tarah mileñ jaise shams-o-qamar 'ziyā'

thā jo lamha is ke uruuj kā vo ghaḌī thī mere zavāl kī

na wo ghar raha na wo baam-o-dar na wo chilmanen na wo palki

magar ab bhi meri zaban pe hai wahi dastan sin-o-sal ki

chalo baal-o-par ko sameT len karen fikr ab kisi Dal ki

ye ghurub-e-mehr ka waqt hai ye ghaDi hai din ke zawal ki

sabhi mausamon se guzar gaya koi bojh dil pe liye hue

mujhe ras aai na rut koi na wo hijr ki na visal ki

tha dilon ka ye bhi ek imtihan ki takallufat the darmiyan

mujhe Dar tha us ke jawab ka use fikr mere sawal ki

jo chale to rah-e-aman nahin jo ruke to manzilen kho gain

teri rahguzar bhi ajib hai teri manzilen bhi kamal ki

mere zaKHm sare mahak uThe jo chali hawa-e-nihaal-e-gham

koi dasht-e-jaan se guzar gaya uThi gard tere KHayal ki

wo mujhe mila bhi to is tarah milen jaise shams-o-qamar 'ziya'

tha jo lamha is ke uruj ka wo ghaDi thi mere zawal ki