na wo tum ho na wo masihai

na vo tum ho na vo masīhā.ī

yūñhī sochā to aañkh bhar aa.ī

ab vo pahlī sī raunaqeñ bhī nahīñ

na vo pahlī sī hai chaman-ārā.ī

vaqt-e-pīrī hai hū kā aalam hai

sū-e-mahshar chalī hai tanhā.ī

dil-e-pur-ḳhūñ kī ye numā.ish hai

nau-ba-nau yuuñ bahār hai aa.ī

kyoñ tirī yaad bhī nahīñ aatī

ġham-e-jānāñ hai tū bhī harjā.ī

kaise kaise guzar ga.e mausam

dil se jaatī rahī shakebā.ī

kyoñ mire shahr aa ga.e ho tum

kyā zarūrī hai ab bhī rusvā.ī

bas karo ab vazāhateñ 'barham'

us se achchhī nahīñ shanāsā.ī

na wo tum ho na wo masihai

yunhi socha to aankh bhar aai

ab wo pahli si raunaqen bhi nahin

na wo pahli si hai chaman-arai

waqt-e-piri hai hu ka aalam hai

su-e-mahshar chali hai tanhai

dil-e-pur-KHun ki ye numaish hai

nau-ba-nau yun bahaar hai aai

kyon teri yaad bhi nahin aati

gham-e-jaanan hai tu bhi harjai

kaise kaise guzar gae mausam

dil se jati rahi shakebai

kyon mere shahr aa gae ho tum

kya zaruri hai ab bhi ruswai

bas karo ab wazahaten 'barham'

us se achchhi nahin shanasai