na wo walwale hain dil mein na wo aalam-e-jawani
na wo walwale hain dil mein na wo aalam-e-jawani
Hans Raj Sachdev 'hazii.n'
MORE BYHans Raj Sachdev 'hazii.n'
na vo valvale haiñ dil meñ na vo ālam-e-javānī
koī le gayā hai mujh se mirā daur-e-shādmānī
vo bhalā chuke haiñ mujh ko maiñ bhulā chukā huuñ un ko
kabhī pā sakī na unvāñ mire pyaar kī kahānī
shab-e-hijr kī taḌap ne vo mazā diyā hai mujh ko
ki duā.eñ māñgtā huuñ ye taḌap ho jāvedānī
tire kaan sun chuke haiñ na.e giit bul-havas ke
mujhe yaad hai vafā kī vahī dāstāñ purānī
tujhe kho diyā hai pā kar ye mirī hai bad-nasībī
kabhī tum batā to dete mujhe vaj.h-e-bad-gumānī
tirī mehrbāniyoñ kī kabhī aarzū thī dil meñ
vo maqām aa gayā hai ki garāñ hai mehrbānī
tire pyaar meñ 'hazīñ' ko jo milā hai dāġh-e-furqat
mire paas ab vahī hai tire pyaar kī nishānī
na wo walwale hain dil mein na wo aalam-e-jawani
koi le gaya hai mujh se mera daur-e-shadmani
wo bhala chuke hain mujh ko main bhula chuka hun un ko
kabhi pa saki na unwan mere pyar ki kahani
shab-e-hijr ki taDap ne wo maza diya hai mujh ko
ki duaen mangta hun ye taDap ho jawedani
tere kan sun chuke hain nae git bul-hawas ke
mujhe yaad hai wafa ki wahi dastan purani
tujhe kho diya hai pa kar ye meri hai bad-nasibi
kabhi tum bata to dete mujhe wajh-e-bad-gumani
teri mehrbaniyon ki kabhi aarzu thi dil mein
wo maqam aa gaya hai ki garan hai mehrbani
tere pyar mein 'hazin' ko jo mila hai dagh-e-furqat
mere pas ab wahi hai tere pyar ki nishani
- Book : SAAZ-O-NAVA (Pg. 139)
- Publication : Raghu Nath suhai ummid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
