na zindagi ka koi bharosa na maut ka intizam koi

na zindagī kā koī bharosa na maut kā intizām koī

na zā.iqa hijr meñ bachā hai na zahr meñ hai qivām koī

rahā na dil meñ kisī kā Derā rahā nahīñ jab maqām koī

to kaise pahlū meñ koī baiThe guzāre bhī vaqt-e-shām koī

na ghaTne par hī sukūn miltā na baḌhne par hī qarār aa.e

tabīb mujh ko yuuñ lag rahā hai maraz na merā hai 'aam koī

daġhā jo de kar nikal gayā thā usī kī ḳhātir vo ek laḌkī

hai muntazir aur dabā.e baiThī gul-e-hinā meñ vo naam koī

na zindagi ka koi bharosa na maut ka intizam koi

na zaiqa hijr mein bacha hai na zahr mein hai qiwam koi

raha na dil mein kisi ka Dera raha nahin jab maqam koi

to kaise pahlu mein koi baiThe guzare bhi waqt-e-sham koi

na ghaTne par hi sukun milta na baDhne par hi qarar aae

tabib mujh ko yun lag raha hai maraz na mera hai 'am koi

dagha jo de kar nikal gaya tha usi ki KHatir wo ek laDki

hai muntazir aur dabae baiThi gul-e-hina mein wo nam koi