na-guzir-e-rishtagi sa hai to ho
nā-guzīr-e-rishtagī sā hai to ho
varna mujh se kyā ilāqa hai to ho
vo mujhe dekhe na maiñ pā.ūñ use
ab koī merā shanāsā hai to ho
pur-kashish haiñ rāste ke pech-o-ḳham
chain paane kā Thikānā hai to ho
sāmne haiñ āsmānī vus.ateñ
be-zamīnī kā zamāna hai to ho
chehra-e-ehsās par hai tāzgī
aadmī honā purānā hai to ho
nāzukī ik gul-badan kī saath hai
ab agar pahlū meñ kāñTā hai to ho
apnī bantī hī nahīñ hai 'shāh' se
aadmī ye shaḳhs achchhā hai to ho
na-guzir-e-rishtagi sa hai to ho
warna mujh se kya ilaqa hai to ho
wo mujhe dekhe na main paun use
ab koi mera shanasa hai to ho
pur-kashish hain raste ke pech-o-KHam
chain pane ka Thikana hai to ho
samne hain aasmani wusaten
be-zamini ka zamana hai to ho
chehra-e-ehsas par hai tazgi
aadmi hona purana hai to ho
nazuki ek gul-badan ki sath hai
ab agar pahlu mein kanTa hai to ho
apni banti hi nahin hai 'shah' se
aadmi ye shaKHs achchha hai to ho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
