nala nahin ki aah nahin ya buka nahin

naala nahīñ ki aah nahīñ yā bukā nahīñ

ham ne shab-e-firāq meñ kyā kyā kiyā nahīñ

vo dard-e-lā-davā mujhe baḳhshā hai ishq ne

bachne kī kuchh umiid nahīñ aasrā nahīñ

kyā kar rahe ho chāragaro paas se haTo

ab hai duā kā vaqt ye vaqt-e-davā nahīñ

aa jaa.eñ vaqt-e-naz.a to maiñ un ko dekh luuñ

armān koī dil meñ ab is ke sivā nahīñ

'sayyāf' kyā batā.eñ ki dil kā hai haal kyā

muddat se ab to pahlū meñ us kā pata nahīñ

nala nahin ki aah nahin ya buka nahin

hum ne shab-e-firaq mein kya kya kiya nahin

wo dard-e-la-dawa mujhe baKHsha hai ishq ne

bachne ki kuchh umid nahin aasra nahin

kya kar rahe ho chaaragaro pas se haTo

ab hai dua ka waqt ye waqt-e-dawa nahin

aa jaen waqt-e-naza to main un ko dekh lun

arman koi dil mein ab is ke siwa nahin

'sayyaf' kya bataen ki dil ka hai haal kya

muddat se ab to pahlu mein us ka pata nahin