nam sau bar tera maine likha pani par

naam sau baar tirā maiñ ne likhā paanī par

sang-dil maujoñ ne rahne na diyā paanī par

ḳhūn-e-nā-haq se utar jā.egā vo bhī qātil

naaz kartī hai bahut teġh-e-jafā paanī par

duub jaanā thā mohabbat ke samundar meñ jise

us ne be-ḳhauf-o-ḳhatar raqs kiyā paanī par

ab na sāhil kī tamanna hai na girdāb kā Dar

chal paḌī kashtī-e-taslīm-o-razā paanī par

aaj phir sūkhe hue khet raheñge pyāse

ruḳh batātā hai ki barsegī ghaTā paanī par

khel bachchoñ kā nahīñ hotī mohabbat ai dil

naav kāġhaz kī kahāñ le ke chalā paanī par

ittihād aaj 'anāsir meñ hai lekin kab tak

ḳhāk-o-ātish pe bharosā na huā paanī par

'aks un kā hai na aañsū haiñ vahāñ mere 'shafīq'

DhūñDhtī phirtī hai kyā mauj bhalā paanī par

nam sau bar tera main ne likha pani par

sang-dil maujon ne rahne na diya pani par

KHun-e-na-haq se utar jaega wo bhi qatil

naz karti hai bahut tegh-e-jafa pani par

dub jaana tha mohabbat ke samundar mein jise

us ne be-KHauf-o-KHatar raqs kiya pani par

ab na sahil ki tamanna hai na girdab ka Dar

chal paDi kashti-e-taslim-o-raza pani par

aaj phir sukhe hue khet rahenge pyase

ruKH batata hai ki barsegi ghaTa pani par

khel bachchon ka nahin hoti mohabbat ai dil

naw kaghaz ki kahan le ke chala pani par

ittihad aaj 'anasir mein hai lekin kab tak

KHak-o-atish pe bharosa na hua pani par

'aks un ka hai na aansu hain wahan mere 'shafiq'

DhunDhti phirti hai kya mauj bhala pani par