nabz ThanDi ho gai bimar ki

nabz ThanDī ho ga.ī bīmār kī

dil meñ hasrat rah ga.ī dīdār kī

misl-e-mūsā ho ga.e behosh ham

barq jab chamkī jamāl-e-yār kī

qabr meñ bhī dosto tanhā na huuñ

saath hai hasrat visāl-e-yār kī

zaḳhmī-e-tīr-e-nigāh-e-nāz ko

chāhiye paTTī visāl-e-yār kī

jhuk ga.ī gardan hamārī ḳhud-baḳhud

tā na ḳhālī zarb ho dildār kī

mujh se parda ġhair se be-pardagī

kyā nirālī hai adā dildār kī

tum se shorā-e-vatan ko ai 'jalāl'

taab bhī to hai nahīñ guftār kī

nabz ThanDi ho gai bimar ki

dil mein hasrat rah gai didar ki

misl-e-musa ho gae behosh hum

barq jab chamki jamal-e-yar ki

qabr mein bhi dosto tanha na hun

sath hai hasrat visal-e-yar ki

zaKHmi-e-tir-e-nigah-e-naz ko

chahiye paTTi visal-e-yar ki

jhuk gai gardan hamari KHud-baKHud

ta na KHali zarb ho dildar ki

mujh se parda ghair se be-pardagi

kya nirali hai ada dildar ki

tum se shora-e-watan ko ai 'jalal'

tab bhi to hai nahin guftar ki