naddi ye jaise mauj mein dariya se ja mile

naddī ye jaise mauj meñ dariyā se jā mile

tum se kahīñ milūñ maiñ agar rāsta mile

miltī hai ek saañs kī mohlat kabhī kabhī

shāyad ye raat bhī tirī sub.hoñ se jā mile

jo bhī milā vo apnī anā kā asiir thā

insāñ ko DhūñDne meñ ga.ī to ḳhudā mile

is ahd-e-intishār meñ kyā ittifāq hai

dard-o-alam ye ranj-o-malāl ek jā mile

dil meñ zarā ḳhulūs na mehr-o-vafā kā rañg

rasman bahut 'azīz bahut aqrabā mile

merī shikast meñ mire kuchh mehrbāñ bhī the

merī safeñ jo chhoḌ ke dushman se jā mile

us samt se bhī guzre na.ī rut kā kārvāñ

ġhāroñ ke bāsiyoñ ko bhī taaza havā mile

'jānāñ' ye zindagī ke 'ajab sānehāt haiñ

kuchh log apne-āp se aksar ḳhafā mile

naddi ye jaise mauj mein dariya se ja mile

tum se kahin milun main agar rasta mile

milti hai ek sans ki mohlat kabhi kabhi

shayad ye raat bhi teri subhon se ja mile

jo bhi mila wo apni ana ka asir tha

insan ko DhunDne mein gai to KHuda mile

is ahd-e-intishaar mein kya ittifaq hai

dard-o-alam ye ranj-o-malal ek ja mile

dil mein zara KHulus na mehr-o-wafa ka rang

rasman bahut 'aziz bahut aqraba mile

meri shikast mein mere kuchh mehrban bhi the

meri safen jo chhoD ke dushman se ja mile

us samt se bhi guzre nai rut ka karwan

ghaaron ke basiyon ko bhi taza hawa mile

'jaanan' ye zindagi ke 'ajab sanehat hain

kuchh log apne-ap se aksar KHafa mile