naddiyon ke pani mein chuDiyan khanakti hain

naddiyoñ ke paanī meñ chūḌiyāñ khanaktī haiñ

dard kī ravānī meñ chūḌiyāñ khanaktī haiñ

yaad jab vo aatī hai saaz bajne lagte haiñ

pyaar kī nishānī meñ chūḌiyāñ khanaktī haiñ

ik dhanak utartī hai us ke saath āñgan meñ

rang āsmānī meñ chūḌiyāñ khanaktī haiñ

lafz gungunāte haiñ sub.h ke ujāle meñ

husn-e-naujavānī meñ chūḌiyāñ khanaktī haiñ

aaj yād-e-rafta ne sair kī peshawar kī

ab bhī qissa-ḳhvānī meñ chūḌiyāñ khanaktī haiñ

jab alaav raushan ho log baiTh jaate haiñ

raat bhar kahānī meñ chūḌiyāñ khanaktī haiñ

hai yaqīñ gumāñ jaisā aur gumāñ yaqīñ jaisā

kis kī ḳhush-gumānī meñ chūḌiyāñ khanaktī haiñ

intizār kartā hai aaj bhī tirā 'tāhir'

ab bhī rut suhānī meñ chūḌiyāñ khanaktī haiñ

naddiyon ke pani mein chuDiyan khanakti hain

dard ki rawani mein chuDiyan khanakti hain

yaad jab wo aati hai saz bajne lagte hain

pyar ki nishani mein chuDiyan khanakti hain

ek dhanak utarti hai us ke sath aangan mein

rang aasmani mein chuDiyan khanakti hain

lafz gungunate hain subh ke ujale mein

husn-e-naujawani mein chuDiyan khanakti hain

aaj yaad-e-rafta ne sair ki peshawar ki

ab bhi qissa-KHwani mein chuDiyan khanakti hain

jab alaw raushan ho log baiTh jate hain

raat bhar kahani mein chuDiyan khanakti hain

hai yaqin guman jaisa aur guman yaqin jaisa

kis ki KHush-gumani mein chuDiyan khanakti hain

intizar karta hai aaj bhi tera 'tahir'

ab bhi rut suhani mein chuDiyan khanakti hain