nae chehre nae autar honge

na.e chehre na.e autār hoñge

zamāne meñ na.e fankār hoñge

hamāre sāmne hai dasht-e-nafrat

hamāre rāste dushvār hoñge

añdhere meñ hameñ rahnā paḌegā

agar ab bhī na ham bedār hoñge

abhī to chauñknā hai baaqī terā

kahānī meñ na.e kirdār hoñge

pareshāñ aadmī se aadmī hai

na.e kuchh aur bhī āzār hoñge

hameñ ma.alūm hai dushman hai buzdil

hamārī piiTh par hī vaar hoñge

agar puḳhta irāde hoñ to 'anvar'

ye sahrā bhī gul-o-gulzār hoñge

nae chehre nae autar honge

zamane mein nae fankar honge

hamare samne hai dasht-e-nafrat

hamare raste dushwar honge

andhere mein hamein rahna paDega

agar ab bhi na hum bedar honge

abhi to chaunkna hai baqi tera

kahani mein nae kirdar honge

pareshan aadmi se aadmi hai

nae kuchh aur bhi aazar honge

hamein malum hai dushman hai buzdil

hamari piTh par hi war honge

agar puKHta irade hon to 'anwar'

ye sahra bhi gul-o-gulzar honge