nae rishton se tu dil ka makan aabaad karta hai

na.e rishtoñ se tū dil kā makāñ ābād kartā hai

ḳhabar bhī hai tujhe ik shaḳhs tujh ko yaad kartā hai

na jaane kyuuñ zideñ aisī dil-e-nāshād kartā hai

jise maiñ bhūlnā chāhūñ usī ko yaad kartā hai

mahak terī tujhe taslīm karvā le to kaafī hai

ai mere phuul tū rañgoñ ko kyoñ barbād kartā hai

badaltā hai mirī zanjīr piñjra bhī badaltā hai

magar āzād kab mujh ko mirā sayyād kartā hai

parinda bhuul baiThā ḳhud hī jab parvāz ke ma.anā

karam-farmā batā ab kyoñ use āzād kartā hai

muqarrar hai ḳhizāñ kā ek din har haal meñ 'nik.hat'

bhalā gul-dān meñ ye phuul kyoñ fariyād kartā hai

nae rishton se tu dil ka makan aabaad karta hai

KHabar bhi hai tujhe ek shaKHs tujh ko yaad karta hai

na jaane kyun ziden aisi dil-e-nashad karta hai

jise main bhulna chahun usi ko yaad karta hai

mahak teri tujhe taslim karwa le to kafi hai

ai mere phul tu rangon ko kyon barbaad karta hai

badalta hai meri zanjir pinjra bhi badalta hai

magar aazad kab mujh ko mera sayyaad karta hai

parinda bhul baiTha KHud hi jab parwaz ke mana

karam-farma bata ab kyon use aazad karta hai

muqarrar hai KHizan ka ek din har haal mein 'nikhat'

bhala gul-dan mein ye phul kyon fariyaad karta hai