nae safar mein wo had se zyaada sanwar gaya hai

na.e safar meñ vo had se zyāda sañvar gayā hai

vo merā shīrāza jis kī ḳhātir bikhar gayā hai

nigāh-e-lutf-o-karam kā tālib banā huā huuñ

ye dil ajab tarz kī kasāfat se bhar gayā hai

nigāh-e-faqr-o-jamāl ne har kamāl baḳhshā

faqīr ke dar pe jab koī be-hunar gayā hai

na.e dīvānoñ ne dasht meñ raat kyā guzārī

ki vahshatoñ kā tamām nashsha utar gayā hai

hamāre raushan charāġh bhī bujh rahe haiñ 'jāmī'

hamārā barsoñ kā girya bhī be-asar gayā hai

nae safar mein wo had se zyaada sanwar gaya hai

wo mera shiraaza jis ki KHatir bikhar gaya hai

nigah-e-lutf-o-karam ka talib bana hua hun

ye dil ajab tarz ki kasafat se bhar gaya hai

nigah-e-faqr-o-jamal ne har kamal baKHsha

faqir ke dar pe jab koi be-hunar gaya hai

nae diwanon ne dasht mein raat kya guzari

ki wahshaton ka tamam nashsha utar gaya hai

hamare raushan charagh bhi bujh rahe hain 'jami'

hamara barson ka girya bhi be-asar gaya hai