nae zamane ki surat mein Dhalna chahiye tha

na.e zamāne kī sūrat meñ Dhalnā chāhiye thā

hamāre shahr kā mausam badalnā chāhiye thā

ye shoḳhiyāñ ye tabassum pe zulf lahrānā

inhīñ adāoñ pe dil ko machalnā chāhiye thā

bichhaḌ ke us se ye ehsās mujh ko hotā hai

jo 'ishq hai to use bhī taḌapnā chāhiye thā

tumhārī raah meñ pathrā ga.iiñ mirī āñkheñ

ab intizār kā patthar pighalnā chāhiye thā

maiñ jis kī āñkhoñ meñ Duubā huuñ ek muddat se

had-e-badan se use bhī nikalnā chāhiye thā

ishāra kis kā thā jo Duub kar nikal aayā

ye āftāb se nukta samajhnā chāhiye thā

jo jaañ ke ḳhauf se zālim se laḌ sakā na 'kashish'

use bhī haq kī vakālat to karnā chāhiye thā

nae zamane ki surat mein Dhalna chahiye tha

hamare shahr ka mausam badalna chahiye tha

ye shoKHiyan ye tabassum pe zulf lahrana

inhin adaon pe dil ko machalna chahiye tha

bichhaD ke us se ye ehsas mujh ko hota hai

jo 'ishq hai to use bhi taDapna chahiye tha

tumhaari rah mein pathra gain meri aankhen

ab intizar ka patthar pighalna chahiye tha

main jis ki aankhon mein Duba hun ek muddat se

had-e-badan se use bhi nikalna chahiye tha

ishaara kis ka tha jo Dub kar nikal aaya

ye aaftab se nukta samajhna chahiye tha

jo jaan ke KHauf se zalim se laD saka na 'kashish'

use bhi haq ki wakalat to karna chahiye tha