nafas nafas mein hun ek bu-e-sad-gulab liye
nafas nafas meñ huuñ ik bū-e-sad-gulāb liye
maiñ jāgtā huuñ nigāhoñ meñ tere ḳhvāb liye
hamāre ahd ke logoñ ko kyā huā yaaro
vo jī rahe haiñ magar ret kā sarāb liye
maiñ bhuul saktā nahīñ hasrat-e-nazar us kī
vo ek shaḳhs jo guzrā hai iztirāb liye
udaas raat kī tārīkiyoñ ne chheḌā hai
ab aa bhī jaao nigāhoñ meñ māhtāb liye
ye chilchilātī huī dhuup jal rahā hai badan
guzar rahī hai yūñhī hasrat-e-sahāb liye
nafas nafas mein hun ek bu-e-sad-gulab liye
main jagta hun nigahon mein tere KHwab liye
hamare ahd ke logon ko kya hua yaro
wo ji rahe hain magar ret ka sarab liye
main bhul sakta nahin hasrat-e-nazar us ki
wo ek shaKHs jo guzra hai iztirab liye
udas raat ki tarikiyon ne chheDa hai
ab aa bhi jao nigahon mein mahtab liye
ye chilchilati hui dhup jal raha hai badan
guzar rahi hai yunhi hasrat-e-sahab liye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
