naghma-ha-e-asar-andaz kahan se laun

naġhma-hā-e-asar-andāz kahāñ se lā.ūñ

soz meñ Duubā huā saaz kahāñ se lā.ūñ

be-kasī hamdam-o-hamrāz kahāñ se lā.ūñ

ġham meñ Duubī huī āvāz kahāñ se lā.ūñ

ishq ne jis ke liye qais kā jaama pahnā

husn-e-ḳhud-bīñ ke vo andāz kahāñ se lā.ūñ

uf vo duzdīda nigāhoñ ke hasīñ nazzāre

uf vo tere ġhalat-andāz kahāñ se lā.ūñ

maut hai mere liye talḳhī-e-anjām-e-hayāt

tujh ko ai lazzat-e-āġhāz kahāñ se lā.ūñ

sunñe vāloñ ko jo ḳhud-rafta kare ai 'ahmar'

apne sheroñ meñ vo e.ajāz kahāñ se lā.ūñ

naghma-ha-e-asar-andaz kahan se laun

soz mein Duba hua saz kahan se laun

be-kasi hamdam-o-hamraaz kahan se laun

gham mein Dubi hui aawaz kahan se laun

ishq ne jis ke liye qais ka jama pahna

husn-e-KHud-bin ke wo andaz kahan se laun

uf wo duzdida nigahon ke hasin nazzare

uf wo tere ghalat-andaz kahan se laun

maut hai mere liye talKHi-e-anjam-e-hayat

tujh ko ai lazzat-e-aghaz kahan se laun

sunne walon ko jo KHud-rafta kare ai 'ahmar'

apne sheron mein wo eajaz kahan se laun