nahin akbar yahan mujh sher ki KHwahan bayani se

nahīñ akbar yahāñ mujh sher kī ḳhvāhāñ bayānī se

zi-bas maqdūr hai maqdūr par mātam zabānī se

gah-e-hastī kahīñ zāhir patā ham sar se laave hai

dhuāñ uThtā hai phir pas az fanā soz-e-nihānī se

tahī dil jān-e-mā guzrī to kyā ghabrā ke pūchho ho

abas dil nā-tavāñ guzrā sarāpā nā-tavānī se

havā kī shauq-e-mai uḌ jaave hai ḳhām-e-ḳhayālī ko

ubūr-e-abr tūlānī ki barse mai-fishānī se

unhoñ ke vāda-e-fardā ko gar imroz mil jaatā

divānā mar nahīñ jaatā jo mil jaatā divānī se

ḳhamoshī bhar rahī hai dard apnā ginte jaate haiñ

davā bezār rahtī hai ḳhudāyā sargirānī se

munāfiq ab kahāñ dushman kī samt-e-rah se jā laage

evaz dushman bane hai yaañ munāfiq bad-gumānī se

suḳhan-var haiñ bahut achchhe kitāboñ se churāve jo

'abān' ko dekh likhtā hai tabī.at kī ravānī se

nahin akbar yahan mujh sher ki KHwahan bayani se

zi-bas maqdur hai maqdur par matam zabani se

gah-e-hasti kahin zahir pata hum sar se lawe hai

dhuan uThta hai phir pas az fana soz-e-nihani se

tahi dil jaan-e-ma guzri to kya ghabra ke puchho ho

abas dil na-tawan guzra sarapa na-tawani se

hawa ki shauq-e-mai uD jawe hai KHam-e-KHayali ko

ubur-e-abr tulani ki barse mai-fishani se

unhon ke wada-e-farda ko gar imroz mil jata

diwana mar nahin jata jo mil jata diwani se

KHamoshi bhar rahi hai dard apna ginte jate hain

dawa bezar rahti hai KHudaya sargirani se

munafiq ab kahan dushman ki samt-e-rah se ja lage

ewaz dushman bane hai yan munafiq bad-gumani se

suKHan-war hain bahut achchhe kitabon se churawe jo

'aban' ko dekh likhta hai tabiat ki rawani se