nahin bologe han hun to rawani TuT jaegi

nahīñ bologe haañ huuñ to ravānī TuuT jā.egī

agar tum so ga.e merī kahānī TuuT jā.egī

ḳhudā ke vāste mere usūloñ se na khelo tum

yahī ik hai buzurgoñ kī nishānī TuuT jā.egī

bahut maġhrūr hai dariyā abhī apnī javānī par

samundar meñ utarte hī ravānī Tuut jā.egī

hamārī zindagī hai ik patang aur maut āñdhī hai

bahut kamzor hai sāñsoñ kī taanī Tuut jā.egī

sabhī madh-makkhiyoñ ko mārne kī kyā zarūrat hai

vo ḳhud hī haar jā.eñgī jo raanī Tuut jā.egī

ziyāda dil kī lorry meñ ġhamoñ kā bojh mat laado

mire sabr-o-tahammul kī kamānī Tuut jā.egī

ġhalat rāhoñ kī lazzat se zarā bach kar nikal varna

javānī aane se pahle javānī Tuut jā.egī

unheñ le kar mujhe 'aḳhlāq' shopping mall jaanā hai

nahīñ jā.ūñgā to singār-dānī Tuut jā.egī

nahin bologe han hun to rawani TuT jaegi

agar tum so gae meri kahani TuT jaegi

KHuda ke waste mere usulon se na khelo tum

yahi ek hai buzurgon ki nishani TuT jaegi

bahut maghrur hai dariya abhi apni jawani par

samundar mein utarte hi rawani Tut jaegi

hamari zindagi hai ek patang aur maut aandhi hai

bahut kamzor hai sanson ki tani Tut jaegi

sabhi madh-makkhiyon ko marne ki kya zarurat hai

wo KHud hi haar jaengi jo rani Tut jaegi

ziyaada dil ki lorry mein ghamon ka bojh mat lado

mere sabr-o-tahammul ki kamani Tut jaegi

ghalat rahon ki lazzat se zara bach kar nikal warna

jawani aane se pahle jawani Tut jaegi

unhen le kar mujhe 'aKHlaq' shopping mall jaana hai

nahin jaunga to singar-dani Tut jaegi