nahin hai koi chaman qalb-e-dagh-dar ke baad

nahīñ hai koī chaman qalb-e-dāġh-dār ke baad

yahāñ ḳhizāñ nahīñ aatī kabhī bahār ke baad

bahār par thā chaman thā chaman meñ josh-e-bahār

bahār ke ye karishme the aur bahār ke baad

sukūñ-badosh ghaḌī do hī guzrī haiñ mujh par

ik intizār se pahle ik intizār ke baad

satā le rindoñ ko vaa.iz satā le jī bhar ke

rahegā tū na kahīñ kā ḳhudā kī maar ke baad

kuchh aur josh meñ laatā hai us kī rahmat ko

gunāhgār kā aanā gunāhgār ke baad

latāfatoñ ne bhī zaḳhmoñ pe mere chhiḌkā namak

batāyā rang har ik gul ne mujh ko ḳhaar ke baad

chhupā.e baiThe the rusvā.iyoñ meñ rāz-e-ḳhudī

ham aa.e sāmne 'ḳhizr' imtihān-e-dār ke baad

nahin hai koi chaman qalb-e-dagh-dar ke baad

yahan KHizan nahin aati kabhi bahaar ke baad

bahaar par tha chaman tha chaman mein josh-e-bahaar

bahaar ke ye karishme the aur bahaar ke baad

sukun-badosh ghaDi do hi guzri hain mujh par

ek intizar se pahle ek intizar ke baad

sata le rindon ko waiz sata le ji bhar ke

rahega tu na kahin ka KHuda ki mar ke baad

kuchh aur josh mein lata hai us ki rahmat ko

gunahgar ka aana gunahgar ke baad

latafaton ne bhi zaKHmon pe mere chhiDka namak

bataya rang har ek gul ne mujh ko KHar ke baad

chhupae baiThe the ruswaiyon mein raaz-e-KHudi

hum aae samne 'KHizr' imtihan-e-dar ke baad