nahin KHayal to phir intizar kis ka hai
nahīñ ḳhayāl to phir intizār kis kā hai
ye zehn-o-dil ye bilā-vaj.h baar kis kā hai
batā.e kaun ye ahl-e-ḳhirad se mahfil meñ
chaman hai kis ke liye ḳhār-zār kis kā hai
hamārā naam to ġhairoñ meñ ho gayā shāmil
jo log apne haiñ un meñ shumār kis kā hai
kisī ko daulat-e-duniyā kisī ko izzat-e-nafs
ḳhudā kī den pe ab iḳhtiyār kis kā hai
urūs-e-maut se jaldī hai kis ko milne kī
qadam baḌhā huā ye sū-e-dār kis kā hai
farishte aa ke 'vasiyya' se bole marqad meñ
lahad meñ aap ko ab intizār kis kā hai
nahin KHayal to phir intizar kis ka hai
ye zehn-o-dil ye bila-wajh bar kis ka hai
batae kaun ye ahl-e-KHirad se mahfil mein
chaman hai kis ke liye KHar-zar kis ka hai
hamara nam to ghairon mein ho gaya shamil
jo log apne hain un mein shumar kis ka hai
kisi ko daulat-e-duniya kisi ko izzat-e-nafs
KHuda ki den pe ab iKHtiyar kis ka hai
urus-e-maut se jaldi hai kis ko milne ki
qadam baDha hua ye su-e-dar kis ka hai
farishte aa ke 'wasiyya' se bole marqad mein
lahad mein aap ko ab intizar kis ka hai
- Book : Dana Dana Khirman (Pg. 74)
- Author : Fatima wasia jaisi
- Publication : Fatima waisa jaisi (2011)
- Edition : 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
