nahin ki tab koi kaghaz qalam na hota tha

nahīñ ki tab koī kāġhaz qalam na hotā thā

vo husn hī thā qayāmat raqam na hotā thā

har aadmī ko vahāñ miltī us ke kaam kī daad

ḳhudā kā naam ḳhudā kī qasam na hotā thā

to kyā sunātā farishtoñ ko maiñ kalām-e-jahāñ

kisī kī bātoñ meñ pahlū-e-zam na hotā thā

zarā sī pī thī kabhī jāhiloñ ke saath sharāb

nasha thā 'ilm kā aisā ki kam na hotā thā

do ek baar to jiite bhī khel khel meñ ham

magar malāl zarā besh-o-kam na hotā thā

hameñ hī marnā paḌā apnā haal likhne ko

kisī kā dard kisī se raqam na hotā thā

bahā.e jaatā thā sailāb āñsuoñ kā hameñ

kisī kī aañkh kā konā bhī nam na hotā thā

nahin ki tab koi kaghaz qalam na hota tha

wo husn hi tha qayamat raqam na hota tha

har aadmi ko wahan milti us ke kaam ki dad

KHuda ka nam KHuda ki qasam na hota tha

to kya sunata farishton ko main kalam-e-jahan

kisi ki baaton mein pahlu-e-zam na hota tha

zara si pi thi kabhi jahilon ke sath sharab

nasha tha 'ilm ka aisa ki kam na hota tha

do ek bar to jite bhi khel khel mein hum

magar malal zara besh-o-kam na hota tha

hamein hi marna paDa apna haal likhne ko

kisi ka dard kisi se raqam na hota tha

bahae jata tha sailab aansuon ka hamein

kisi ki aankh ka kona bhi nam na hota tha