nahin puchhte hum kyon aisa kiya

nahīñ pūchhte ham kyoñ aisā kiyā

chalo jo kiyā tum ne achchhā kiyā

qayāmat talak ab chhupe hī raho

ye sab thā to kaahe ko parda kiyā

usī ne añdhere meñ rakkhā mujhe

usī ne phir aa kar ujālā kiyā

vahī mujh se kahtā hai nālish karo

vahī jis ne is dil pe qabza kiyā

usī ne milāyā mujhe ḳhaak meñ

vahī haath mal mal ke royā kiyā

koī baat jhagḌe kī thī hī nahīñ

maiñ kal be-sabab us se uljhā kiyā

shagūfe haiñ sab us ke chhoḌe hue

usī ne ye saarā tamāshā kiyā

rahī der tak ḳhud se guft-o-shunūd

phir aaj us kī yādoñ ne tanhā kiyā

nahin puchhte hum kyon aisa kiya

chalo jo kiya tum ne achchha kiya

qayamat talak ab chhupe hi raho

ye sab tha to kahe ko parda kiya

usi ne andhere mein rakkha mujhe

usi ne phir aa kar ujala kiya

wahi mujh se kahta hai nalish karo

wahi jis ne is dil pe qabza kiya

usi ne milaya mujhe KHak mein

wahi hath mal mal ke roya kiya

koi baat jhagDe ki thi hi nahin

main kal be-sabab us se uljha kiya

shagufe hain sab us ke chhoDe hue

usi ne ye sara tamasha kiya

rahi der tak KHud se guft-o-shunud

phir aaj us ki yaadon ne tanha kiya