nahin sikha tariq-e-nala-o-ah-o-fughan maine

nahīñ sīkhā tarīq-e-nāla-o-āh-o-fuġhāñ maiñ ne

mohabbat ko sikhā.ī hai mohabbat kī zabāñ maiñ ne

kuchh aisī barq-zan dekhī balā-e-nā-gahāñ maiñ ne

uThā dī sahm kar rasm-e-binā-e-āshiyāñ maiñ ne

mirī fitrat ne sīkhā hai kashākash-gīr-e-ġham honā

mohabbat ko navāzā hai ba-zauq-e-imtihāñ maiñ ne

ye ik tarmīm kī hai lāzmī ā.īn-e-ulfat meñ

vafā mahdūd na kī hai ba-qadr-e-imtihāñ maiñ ne

jahāñ hotī haiñ kuchh āvezisheñ yās-o-tamanna meñ

ik aisī bhī ḳhalish dekhī hai dil ke darmiyāñ maiñ ne

kabhī yuuñ bhī kiyā hai ehtirām-e-jazba-e-jānāñ

ki aksar ḳhud se ḳhud ko kar liyā hai bad-gumāñ maiñ ne

zabāñ ko zahmateñ detā nahīñ ab maiñ takallum kī

nazar ko kar diyā hai vāqif-e-ramz-e-bayāñ maiñ ne

kisī se kyā kahūñ anjām-e-ishq-e-ātishīñ 'ahmar'

har ik mū-e-badan meñ jazb kar lī hai fuġhāñ maiñ ne

nahin sikha tariq-e-nala-o-ah-o-fughan main ne

mohabbat ko sikhai hai mohabbat ki zaban main ne

kuchh aisi barq-zan dekhi bala-e-na-gahan main ne

uTha di sahm kar rasm-e-bina-e-ashiyan main ne

meri fitrat ne sikha hai kashakash-gir-e-gham hona

mohabbat ko nawaza hai ba-zauq-e-imtihan main ne

ye ek tarmim ki hai lazmi aain-e-ulfat mein

wafa mahdud na ki hai ba-qadr-e-imtihan main ne

jahan hoti hain kuchh aawezishen yas-o-tamanna mein

ek aisi bhi KHalish dekhi hai dil ke darmiyan main ne

kabhi yun bhi kiya hai ehtiram-e-jazba-e-jaanan

ki aksar KHud se KHud ko kar liya hai bad-guman main ne

zaban ko zahmaten deta nahin ab main takallum ki

nazar ko kar diya hai waqif-e-ramz-e-bayan main ne

kisi se kya kahun anjam-e-ishq-e-atishin 'ahmar'

har ek mu-e-badan mein jazb kar li hai fughan main ne