nahin tha koi gila aag ko rawani se

nahīñ thā koī gila aag ko ravānī se

havā thī jis ne liyā intiqām paanī se

payām aate rahe jā-e-lā-makānī se

gayā na koī javāb is sarā-e-fānī se

kahāñ ke dasht qadāmat hī kho ga.ī ab to

pale-baḌhe haiñ ye shahroñ kī mehrbānī se

hayāt phir se chalī laḌkhaḌā ke mastī meñ

sañbhal ga.ī thī kisī marg-e-nā-gahānī se

phahar ke paal khulī naav key sar-e-mastūl

safīr taaza hue bād-e-bādbānī se

haTā na lījiyo mahfil meñ mujh se apnī nigah

nishista huuñ maiñ isī baar key girānī se

junūn merā karishma hai ai ḳhudā mirā naam

judā hī rakh kisī ummat kī rā.egānī se

nahin tha koi gila aag ko rawani se

hawa thi jis ne liya intiqam pani se

payam aate rahe ja-e-la-makani se

gaya na koi jawab is sara-e-fani se

kahan ke dasht qadamat hi kho gai ab to

pale-baDhe hain ye shahron ki mehrbani se

hayat phir se chali laDkhaDa ke masti mein

sanbhal gai thi kisi marg-e-na-gahani se

phahar ke pal khuli naw key sar-e-mastul

safir taza hue baad-e-baadbani se

haTa na lijiyo mahfil mein mujh se apni nigah

nishista hun main isi bar key girani se

junun mera karishma hai ai KHuda mera nam

juda hi rakh kisi ummat ki raegani se