nahr ki dhaaron se nikle aur nadi mein phans gae

nahr kī dhāroñ se nikle aur nadī meñ phañs ga.e

yā'nī bach kar dostī se 'āshiqī meñ phañs ga.e

bevaqūfoñ meñ gine jaate haiñ sāda-dil yahāñ

kis sadī ke log haiñ ham kis sadī meñ phañs ga.e

ġham ke taare aañkh ke sayyāre se TuuTe haiñ aur

ham ḳhushī paane ko duniyā-e-hañsī meñ phañs ga.e

ham haiñ vo 'ushshāq jin ke vāste hai jāl-e-husn

ik galī se bach ga.e to dūsrī meñ phañs ga.e

ab talak us shaḳhs ke das din nahīñ guzre yā phir

mere achchhe vaqt ke purze ghaḌī meñ phañs ga.e

us ne merī fikr ke gul chūme the ik din 'bilāl'

tab se misre un laboñ kī tāzgī meñ phañs ga.e

nahr ki dhaaron se nikle aur nadi mein phans gae

ya'ni bach kar dosti se 'ashiqi mein phans gae

bewaqufon mein gine jate hain sada-dil yahan

kis sadi ke log hain hum kis sadi mein phans gae

gham ke tare aankh ke sayyare se TuTe hain aur

hum KHushi pane ko duniya-e-hansi mein phans gae

hum hain wo 'ushshaq jin ke waste hai jal-e-husn

ek gali se bach gae to dusri mein phans gae

ab talak us shaKHs ke das din nahin guzre ya phir

mere achchhe waqt ke purze ghaDi mein phans gae

us ne meri fikr ke gul chume the ek din 'bilal'

tab se misre un labon ki tazgi mein phans gae