nairangi-e-bahaar-o-KHizan dekhte rahe

nairañgi-e-bahār-o-ḳhizāñ dekhte rahe

hairat se ham tilism-e-jahāñ dekhte rahe

pesh-e-nazar jahāñ ke rahī rahmat-e-ḳhudā

ham barhamī-e-husn-e-butāñ dekhte rahe

har gul hamārī aql pe hañstā rahā magar

ham fasl-e-gul meñ rañg-e-ḳhizāñ dekhte rahe

arz-e-niyāz-e-shauq kī achchhī milī ye daad

hañs kar vo mere ashk-e-ravāñ dekhte rahe

tai kar gayā junūñ mirā ik jast meñ unheñ

hairat se mujh ko kaun-o-makāñ dekhte rahe

nairangi-e-bahaar-o-KHizan dekhte rahe

hairat se hum tilism-e-jahan dekhte rahe

pesh-e-nazar jahan ke rahi rahmat-e-KHuda

hum barhami-e-husn-e-butan dekhte rahe

har gul hamari aql pe hansta raha magar

hum fasl-e-gul mein rang-e-KHizan dekhte rahe

arz-e-niyaz-e-shauq ki achchhi mili ye dad

hans kar wo mere ashk-e-rawan dekhte rahe

tai kar gaya junun mera ek jast mein unhen

hairat se mujh ko kaun-o-makan dekhte rahe