naKHl-e-mamnua ke ruKH dobara gaya main to mara gaya

naḳhl-e-mamnuā ke ruḳh dobāra gayā maiñ to maarā gayā

arsh se farsh par kyuuñ utārā gayā maiñ to maarā gayā

jo paḌhā thā kitāboñ meñ vo aur thā zindagī aur hai

merā īmān saare kā saarā gayā maiñ to maarā gayā

ġham gale paḌ gayā zindagī bujh ga.ī aql jaatī rahī

ishq ke khel meñ kyā tumhārā gayā maiñ to maarā gayā

mujh ko gherā hai tūfān ne is qadar kuchh na aa.e nazar

merī kashtī ga.ī yā kināra gayā maiñ to maarā gayā

mujh ko tū hī batā dast-o-bāzū mire kho ga.e haiñ kahāñ

ai mohabbat mirā har sahārā gayā maiñ to maarā gayā

ishq chaltā banā shā.irī ho chukī mai mayassar nahīñ

maiñ to maarā gayā maiñ to maarā gayā maiñ to maarā gayā

mudda.ī bārgāh-e-mohabbat meñ 'fartāsh' the aur bhī

merā hī naam lekin pukārā gayā maiñ to maarā gayā

naKHl-e-mamnua ke ruKH dobara gaya main to mara gaya

arsh se farsh par kyun utara gaya main to mara gaya

jo paDha tha kitabon mein wo aur tha zindagi aur hai

mera iman sare ka sara gaya main to mara gaya

gham gale paD gaya zindagi bujh gai aql jati rahi

ishq ke khel mein kya tumhaara gaya main to mara gaya

mujh ko ghera hai tufan ne is qadar kuchh na aae nazar

meri kashti gai ya kinara gaya main to mara gaya

mujh ko tu hi bata dast-o-bazu mere kho gae hain kahan

ai mohabbat mera har sahaara gaya main to mara gaya

ishq chalta bana shairi ho chuki mai mayassar nahin

main to mara gaya main to mara gaya main to mara gaya

muddai bargah-e-mohabbat mein 'fartash' the aur bhi

mera hi nam lekin pukara gaya main to mara gaya