nami thi aankh mein lekin ek etimad bhi tha

namī thī aañkh meñ lekin ik e'timād bhī thā

mujhe to hausla jiine kā us ke ba.ad bhī thā

bujhe hue dar-o-dīvār jānte hoñge

kabhī yahāñ tire jalvoñ kā in.iqād bhī thā

vo ek ism-e-tavālat jo shab kī kaaT sake

vo ism ālam-e-vahshat meñ mujh ko yaad bhī thā

ḳhizāñ-nasīb sahī aaj shāḳh-sār-e-hayāt

havā kā aanā kabhī sehn-e-dil meñ sa.ad bhī thā

sitāra dekh ke niklī thī maiñ safar ke liye

magar sitāre ko taqdīr se inaad bhī thā

nami thi aankh mein lekin ek e'timad bhi tha

mujhe to hausla jine ka us ke baad bhi tha

bujhe hue dar-o-diwar jaante honge

kabhi yahan tere jalwon ka iniqad bhi tha

wo ek ism-e-tawalat jo shab ki kaT sake

wo ism aalam-e-wahshat mein mujh ko yaad bhi tha

KHizan-nasib sahi aaj shaKH-sar-e-hayat

hawa ka aana kabhi sehn-e-dil mein sad bhi tha

sitara dekh ke nikli thi main safar ke liye

magar sitare ko taqdir se inad bhi tha