naqab apne ruKH se uThaya to hota

naqāb apne ruḳh se uThāyā to hotā

mujhe apnā jalva dikhāyā to hotā

abas chārasāzoñ ko dete ho zahmat

yahāñ tak koī us ko laayā to hotā

sar-e-bazm un kā bigaḌne se matlab

gunāh-e-mohabbat batāyā to hotā

har ik shai se kyoñ phuuT niklī tajallī

chhupe the to ḳhud ko chhupāyā to hotā

nazākat mohabbat kī phir tum samajhte

kabhī bār-e-ulfat uThāyā to hotā

gul-e-tar kī āġhosh meñ hañsne vaale

mire ġham-kade meñ bhī aaya to hotā

ye mumkin hai vo raah par aa.eñ 'jauhar'

kabhī qissa-e-dil sunāyā to hotā

naqab apne ruKH se uThaya to hota

mujhe apna jalwa dikhaya to hota

abas chaarasazon ko dete ho zahmat

yahan tak koi us ko laya to hota

sar-e-bazm un ka bigaDne se matlab

gunah-e-mohabbat bataya to hota

har ek shai se kyon phuT nikli tajalli

chhupe the to KHud ko chhupaya to hota

nazakat mohabbat ki phir tum samajhte

kabhi bar-e-ulfat uThaya to hota

gul-e-tar ki aaghosh mein hansne wale

mere gham-kade mein bhi aaya to hota

ye mumkin hai wo rah par aaen 'jauhar'

kabhi qissa-e-dil sunaya to hota