naqab ruKH se kisi ne uThae hain kya kya

naqāb ruḳh se kisī ne uThā.e haiñ kyā kyā

dil-o-nigāh meñ jalve samā.e haiñ kyā kyā

vo aa rahe haiñ vo aa.e vo ham-kalām hue

tasavvurāt kī mahfil sajā.e haiñ kyā kyā

har imtihāñ meñ hamīñ ek kāmyāb hue

rah-e-vafā meñ qadam Dagmagā.e haiñ kyā kyā

nigāh-e-nāz uThā dekh dil-figāroñ ko

tirī janāb meñ sauġhāt laa.e haiñ kyā kyā

dil-o-nazar kā añdherā kisī tarah na gayā

charāġh-e-dair-o-haram jagmagā.e haiñ kyā kyā

jigar kā daaġh ḳhalish dil kī karb āñkhoñ kā

dayār-e-husn se in.aam paa.e haiñ kyā kyā

isī liye to mirī shā.erī ke charche haiñ

hikāyat-e-dil-e-pur-ḳhūñ sunā.e haiñ kyā kyā

vufūr-e-ġham se bujhe jā rahe haiñ lāla-o-gul

hamāre zaḳhm-e-jigar muskurā.e haiñ kyā kyā

naqab ruKH se kisi ne uThae hain kya kya

dil-o-nigah mein jalwe samae hain kya kya

wo aa rahe hain wo aae wo ham-kalam hue

tasawwuraat ki mahfil sajae hain kya kya

har imtihan mein hamin ek kaamyab hue

rah-e-wafa mein qadam Dagmagae hain kya kya

nigah-e-naz uTha dekh dil-figaron ko

teri janab mein saughat lae hain kya kya

dil-o-nazar ka andhera kisi tarah na gaya

charagh-e-dair-o-haram jagmagae hain kya kya

jigar ka dagh KHalish dil ki karb aankhon ka

dayar-e-husn se inam pae hain kya kya

isi liye to meri shaeri ke charche hain

hikayat-e-dil-e-pur-KHun sunae hain kya kya

wufur-e-gham se bujhe ja rahe hain lala-o-gul

hamare zaKHm-e-jigar muskurae hain kya kya