naqsh dil pe ruKHsat ki wo ghaDi nahin hoti

naqsh dil pe ruḳhsat kī vo ghaḌī nahīñ hotī

kaash merī āñkhoñ meñ raushnī nahīñ hotī

mujh se dil kī har TuuTī aarzū ye kahtī hai

sirf saañs lenā hī zindagī nahīñ hotī

yā tumheñ nahīñ aatā dil ko lūTne kā fan

yā mirī hī fitrat meñ āshiqī nahīñ hotī

aise chhāyā āñkhoñ meñ ruup shoḳhiyoñ vaalā

tujh se duur rah kar bhī bekalī nahīñ hotī

ye samajh bhī jīvan meñ aate aate aatī hai

har kisī kī qismat meñ har ḳhushī nahīñ hotī

pūchh kaise kaTtī haiñ tere hijr kī rāteñ

chāñd to nikaltā hai chāñdnī nahīñ hotī

naqsh dil pe ruKHsat ki wo ghaDi nahin hoti

kash meri aankhon mein raushni nahin hoti

mujh se dil ki har TuTi aarzu ye kahti hai

sirf sans lena hi zindagi nahin hoti

ya tumhein nahin aata dil ko luTne ka fan

ya meri hi fitrat mein aashiqi nahin hoti

aise chhaya aankhon mein rup shoKHiyon wala

tujh se dur rah kar bhi bekali nahin hoti

ye samajh bhi jiwan mein aate aate aati hai

har kisi ki qismat mein har KHushi nahin hoti

puchh kaise kaTti hain tere hijr ki raaten

chand to nikalta hai chandni nahin hoti