nasha-e-ishq mein sarshaar hain kis ke uske

nasha-e-ishq meñ sarshār haiñ kis ke us ke

muntazir aane ke har baar haiñ kis ke us ke

chārāgar chāragarī terī na kaam aa.egī

chashm-e-bīmār ke bīmār haiñ kis ke us ke

kaam dozaḳh se nahīñ aur nahīñ jannat se ġharaz

haañ magar tālib-e-dīdār haiñ kis ke us ke

vo to parda meñ hai sūrat nahīñ dikhlāte haiñ

saiñkaḌoñ phirte ḳharīdār haiñ kis ke us ke

kuchh taḌapte haiñ sisakte haiñ ka.ī haiñ behosh

sab ye jāñbāz talabgār haiñ kis ke us ke

mubtalā jurm meñ ham haiñ to tujhe kyā zāhid

ham ḳhatāvār gunahgār haiñ kis ke us ke

go gunahgār haiñ rahmat kā bharosā kar ke

ab to jaate sar-e-darbār haiñ kis ke us ke

qaid-e-maz.hab se jo chhūTe ga.e āzād ai shaiḳh

dām-e-ulfat meñ giraftār haiñ kis ke us ke

apnī qismat kā gila kījiye kis se 'be-gun'

dūr-az sāya-e-dīvār haiñ kis ke us ke

nasha-e-ishq mein sarshaar hain kis ke us ke

muntazir aane ke har bar hain kis ke us ke

chaaragar chaaragari teri na kaam aaegi

chashm-e-bimar ke bimar hain kis ke us ke

kaam dozaKH se nahin aur nahin jannat se gharaz

han magar talib-e-didar hain kis ke us ke

wo to parda mein hai surat nahin dikhlate hain

sainkaDon phirte KHaridar hain kis ke us ke

kuchh taDapte hain sisakte hain kai hain behosh

sab ye jaanbaz talabgar hain kis ke us ke

mubtala jurm mein hum hain to tujhe kya zahid

hum KHatawar gunahgar hain kis ke us ke

go gunahgar hain rahmat ka bharosa kar ke

ab to jate sar-e-darbar hain kis ke us ke

qaid-e-mazhab se jo chhuTe gae aazad ai shaiKH

dam-e-ulfat mein giraftar hain kis ke us ke

apni qismat ka gila kijiye kis se 'be-gun'

dur-az saya-e-diwar hain kis ke us ke