nashat-e-kar se mahrum hi sahi hum bhi

nashāt-e-kār se mahrūm hī sahī ham bhī

havas se ziist kī phir bhī nahīñ tahī ham bhī

hameñ bhī zo'm hai dānishvarāna mansab kā

haiñ mubtlā-e-fareb-e-ḳhud-āgahī ham bhī

haiñ muTThiyoñ meñ sabhī rahnumā ḳhutūt agar

uThā.e phirte haiñ kyoñ bār-e-gumrahī ham bhī

hai ziist naam taġhayyur kā ye sunā to hai

vahī ho tum bhī vahī ġham bhī aur vahī ham bhī

agar hai da.avā-e-ulfat to kyoñ uThā.e phireñ

misāl-e-munshī-o-tājir 'atā' bahī ham bhī

nashat-e-kar se mahrum hi sahi hum bhi

hawas se zist ki phir bhi nahin tahi hum bhi

hamein bhi zo'm hai danishwarana mansab ka

hain mubtla-e-fareb-e-KHud-agahi hum bhi

hain muTThiyon mein sabhi rahnuma KHutut agar

uThae phirte hain kyon bar-e-gumrahi hum bhi

hai zist nam taghayyur ka ye suna to hai

wahi ho tum bhi wahi gham bhi aur wahi hum bhi

agar hai dawa-e-ulfat to kyon uThae phiren

misal-e-munshi-o-tajir 'ata' bahi hum bhi