nashili aankh mein unki ada kya

nashīlī aañkh meñ un kī adā kyā

vo gar hoñ sāmne to phir nasha kyā

ḳhatā kyā hai mohabbat meñ sazā kyā

yahī miltā hai chāhat kā sila kyā

bahut kam guftugū karne lage ho

tumhārā dil bhī ham se bhar gayā kyā

hameñ barbād kar ke pūchhte ho

hamāre vāste tum ne kiyā kyā

bahut saarā namak thoḌā sā marham

milī hai zaḳhm kī ham ko davā kyā

chhupāne ke liye sau jhuuT apne

na jaane bevafā kartā hai kyā kyā

hameñ ilzām dete jā rahe ho

tavajjoh de rahā hai dūsrā kyā

guzar jā.eñge ye lamhe bhī 'āzī'

ḳhushī ke hoñ yā ġham ke sochnā kyā

nashili aankh mein un ki ada kya

wo gar hon samne to phir nasha kya

KHata kya hai mohabbat mein saza kya

yahi milta hai chahat ka sila kya

bahut kam guftugu karne lage ho

tumhaara dil bhi hum se bhar gaya kya

hamein barbaad kar ke puchhte ho

hamare waste tum ne kiya kya

bahut sara namak thoDa sa marham

mili hai zaKHm ki hum ko dawa kya

chhupane ke liye sau jhuT apne

na jaane bewafa karta hai kya kya

hamein ilzam dete ja rahe ho

tawajjoh de raha hai dusra kya

guzar jaenge ye lamhe bhi 'azi'

KHushi ke hon ya gham ke sochna kya