nazakat dekhiye us sim-tan ki

nazākat dekhiye us sīm-tan kī

uThā letī hai gaThrī tiin man kī

talab hai koī daulat kī na dhan kī

mujhe bas pyaar se kah de vo Donkey

huā huuñ mādar-e-lailā pe āshiq

mujhe pāgal kaho dīvāna sankī

ran out ho gayā iksaTh pe lekin

zarūrat thī abhī bāsaThveñ ran kī

lage haiñ kaan bahroñ ke bhī bajne

zarā chūḌī kahīñ par bhī jo khankī

kafan-choroñ kī Tolī aa ga.ī hai

ilāhī ḳhair ho mere kafan kī

garebāñ kyā pajāma phaaḌ Daalā

koī had bhī hai is dīvāna-pan kī

pipāḌī pyaar kī 'muḳhtār' chhoḌo

ki Daflī baj rahī hai makr-o-fan kī

nazakat dekhiye us sim-tan ki

uTha leti hai gaThri tin man ki

talab hai koi daulat ki na dhan ki

mujhe bas pyar se kah de wo Donkey

hua hun madar-e-laila pe aashiq

mujhe pagal kaho diwana sanki

ran out ho gaya iksaTh pe lekin

zarurat thi abhi basaThwen ran ki

lage hain kan bahron ke bhi bajne

zara chuDi kahin par bhi jo khanki

kafan-choron ki Toli aa gai hai

ilahi KHair ho mere kafan ki

gareban kya pajama phaD Dala

koi had bhi hai is diwana-pan ki

pipaDi pyar ki 'muKHtar' chhoDo

ki Dafli baj rahi hai makr-o-fan ki