nazar aae kya ghubar mah-o-kahkashan se aage

nazar aa.e kyā ġhubār mah-o-kahkashāñ se aage

koī kārvāñ hai shāyad mire kārvāñ se aage

koī sar ho sarf-e-sajda kahāñ aaj be-irāda

ki zamīñ hī be-kashish hai tire āstāñ se aage

tirī yaad dastgīr-e-dil-e-ġham-zadā huī hai

mujhe saath le chalī hai ġham-e-do-jahāñ se aage

ye jahāñ ba-nām-e-jannat kahīñ phir na pesh aa.e

vahī qasr-o-bāġh jo haiñ mah-o-kahkashāñ se aage

tire gesuoñ kī ḳhushbū ye payām de ga.ī hai

ki nashāt-bār saa.e haiñ ġham-e-tapāñ se aage

kaheñ kis se ho ga.ī hai yahīñ aa ke ḳhatm duniyā

ki nahīñ hai koī manzil haram-e-butāñ se aage

kaTī ek umr-e-furqat sar-e-barzaḳh-e-mohabbat

ki chalā na jā rahā thā dil-e-nā-tavāñ se aage

vahīñ dā.imī ḳhushī ke haiñ chhupe hue ḳhazāne

jo pahāḌī silsila hai yam-e-be-karāñ se aage

his-e-bāsira ko 'mānī' jo samī.a-e-kaif kar de

vo suḳhan-tarāz nargis hai kahīñ zabāñ se aage

nazar aae kya ghubar mah-o-kahkashan se aage

koi karwan hai shayad mere karwan se aage

koi sar ho sarf-e-sajda kahan aaj be-irada

ki zamin hi be-kashish hai tere aastan se aage

teri yaad dastgir-e-dil-e-gham-zada hui hai

mujhe sath le chali hai gham-e-do-jahan se aage

ye jahan ba-nam-e-jannat kahin phir na pesh aae

wahi qasr-o-bagh jo hain mah-o-kahkashan se aage

tere gesuon ki KHushbu ye payam de gai hai

ki nashat-bar sae hain gham-e-tapan se aage

kahen kis se ho gai hai yahin aa ke KHatm duniya

ki nahin hai koi manzil haram-e-butan se aage

kaTi ek umr-e-furqat sar-e-barzaKH-e-mohabbat

ki chala na ja raha tha dil-e-na-tawan se aage

wahin daimi KHushi ke hain chhupe hue KHazane

jo pahaDi silsila hai yam-e-be-karan se aage

his-e-basira ko 'mani' jo samia-e-kaif kar de

wo suKHan-taraaz nargis hai kahin zaban se aage