nazar aalam ki ban jae wo hoga kab bashar paida

nazar aalam kī ban jaa.e vo hogā kab bashar paidā

baḌī mushkil se hotā hai chaman meñ dīda-var paidā

qusūr apnā hī thā jo us sitamgar kī tamanna kī

na hotī ye ḳhalish dil meñ na hotā ye sharar paidā

ruḳh-e-raushan pe zulfoñ kā ye lahrānā ye uḌ jaanā

mirī duniyā-e-dil meñ karte haiñ shām-o-sahar paidā

asīrān-e-qafas māyūs hone kī zarūrat kyā

agar hoñ hausle dil meñ to hoñge bāl-o-par paidā

dar-e-parvāna pe ḳhud sham.a khiñch ke aa hī jā.egī

agar ho jazb-e-dil apnā to phir kuchh ho asar paidā

nazar aalam ki ban jae wo hoga kab bashar paida

baDi mushkil se hota hai chaman mein dida-war paida

qusur apna hi tha jo us sitamgar ki tamanna ki

na hoti ye KHalish dil mein na hota ye sharar paida

ruKH-e-raushan pe zulfon ka ye lahrana ye uD jaana

meri duniya-e-dil mein karte hain sham-o-sahar paida

asiran-e-qafas mayus hone ki zarurat kya

agar hon hausle dil mein to honge baal-o-par paida

dar-e-parwana pe KHud shama khinch ke aa hi jaegi

agar ho jazb-e-dil apna to phir kuchh ho asar paida