nazar bujhi to karishme bhi roz-o-shab ke gae

nazar bujhī to karishme bhī roz-o-shab ke ga.e

ki ab talak nahīñ aa.e haiñ log jab ke ga.e

karegā kaun tirī bevafā.iyoñ kā gila

yahī hai rasm-e-zamāna to ham bhī ab ke ga.e

magar kisī ne hameñ ham-safar nahīñ jaanā

ye aur baat ki ham saath saath sab ke ga.e

ab aa.e ho to yahāñ kyā hai dekhne ke liye

ye shahr kab se hai vīrāñ vo log kab ke ga.e

girafta-dil the magar hausla na haarā thā

girafta-dil meñ magar hausle bhī ab ke ga.e

tum apnī sham-e-tamannā ko ro rahe ho 'farāz'

in āñdhiyoñ meñ to pyāre charāġh sab ke ga.e

nazar bujhi to karishme bhi roz-o-shab ke gae

ki ab talak nahin aae hain log jab ke gae

karega kaun teri bewafaiyon ka gila

yahi hai rasm-e-zamana to hum bhi ab ke gae

magar kisi ne hamein ham-safar nahin jaana

ye aur baat ki hum sath sath sab ke gae

ab aae ho to yahan kya hai dekhne ke liye

ye shahr kab se hai viran wo log kab ke gae

girafta-dil the magar hausla na haara tha

girafta-dil mein magar hausle bhi ab ke gae

tum apni sham-e-tamanna ko ro rahe ho 'faraaz'

in aandhiyon mein to pyare charagh sab ke gae