nazar jo aata hai bahar mein kab wo andar hun

nazar jo aatā hai bāhar meñ kab vo andar huuñ

maiñ aadmī huuñ kahāñ aadmī kā paikar huuñ

rahā jo bhiiḌ meñ bhī mushfiqoñ kī sar-afrāz

ḳhudā-gavāh meñ vaisā hī ek masdar huuñ

safīna koī salāmat na rah sakegā ab

qasam-ḳhudā-kī maiñ biphrā huā samundar huuñ

ye aur baat ki tum ko maiñ yaad aa na sakā

vagarna aaj bhī mahfil meñ har zabāñ par huuñ

thī merī zaat kabhī kā.enāt kā mehvar

hisār-e-zāt meñ lekin maiñ aaj shashdar huuñ

diloñ ke band darīche bhī jis se khul jaa.eñ

jo paḌh sako to paḌhe jaao maiñ vo mantar huuñ

jo paḌh sake na mirā chehra bhī vo ḳhud-bīñ tum

jo dard lamhoñ kā samjhe maiñ vo qalandar huuñ

nazar jo aata hai bahar mein kab wo andar hun

main aadmi hun kahan aadmi ka paikar hun

raha jo bhiD mein bhi mushfiqon ki sar-afraaz

KHuda-gawah mein waisa hi ek masdar hun

safina koi salamat na rah sakega ab

qasam-KHuda-ki main biphra hua samundar hun

ye aur baat ki tum ko main yaad aa na saka

wagarna aaj bhi mahfil mein har zaban par hun

thi meri zat kabhi kaenat ka mehwar

hisar-e-zat mein lekin main aaj shashdar hun

dilon ke band dariche bhi jis se khul jaen

jo paDh sako to paDhe jao main wo mantar hun

jo paDh sake na mera chehra bhi wo KHud-bin tum

jo dard lamhon ka samjhe main wo qalandar hun