nazar ke samne sahra-e-be-panahi hai
nazar ke sāmne sahrā-e-be-panāhī hai
qarīb o duur mire baḳht kī siyāhī hai
ufuq ke paar kabhī dekhne nahīñ detī
sharīk raah umīdoñ kī kam-nigāhī hai
bharā paḌā thā ghar is kā ḳhushī ke siile se
ye kyā huā ki vo ab rāste kā raahī hai
vo zehan ho to harīfoñ kī chaal bhī sīkheñ
hamāre paas faqat uzr-e-be-gunāhī hai
ukhaḌte qadmoñ kī āvāz mujh se kahtī hai
shikast hī nahīñ ye dā.imī tabāhī hai
adad kamīñ meñ hai aage ye kyā patā us ko
rah-e-farār meñ haarā huā sipāhī hai
nazar ke samne sahra-e-be-panahi hai
qarib o dur mere baKHt ki siyahi hai
ufuq ke par kabhi dekhne nahin deti
sharik rah umidon ki kam-nigahi hai
bhara paDa tha ghar is ka KHushi ke sile se
ye kya hua ki wo ab raste ka rahi hai
wo zehan ho to harifon ki chaal bhi sikhen
hamare pas faqat uzr-e-be-gunahi hai
ukhaDte qadmon ki aawaz mujh se kahti hai
shikast hi nahin ye daimi tabahi hai
adad kamin mein hai aage ye kya pata us ko
rah-e-farar mein haara hua sipahi hai
- Book : siip (Magzin) (Pg. 266)
- Author : Nasiim Durraani
- Publication : Fikr-e-Nau ( 39 (Quarterly) )
- Edition : 39 (Quarterly)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
