nazar ki qaid mein ab tak salam kis ka tha
nazar ki qaid mein ab tak salam kis ka tha
Khalid Nadeem Budauni
MORE BYKhalid Nadeem Budauni
nazar kī qaid meñ ab tak salām kis kā thā
us ek shaḳhs ke hoñToñ pe naam kis kā thā
hasīn lafz hī merī zabān se nikle
mire shu.ūr meñ husn-e-kalām kis kā thā
ḳhud apnī fikr ke dariyā meñ Duub kar dekho
nigāh-e-vaqt meñ ūñchā maqām kis kā thā
sabhī the shahr meñ patthar kī dāstāñ vaale
mirī zabāñ pe ye shīrīñ kalām kis kā thā
tamām rauzan-o-dar par charāġh raushan the
tire makān ke andar qiyām kis kā thā
ḳhudā-parast the tum to sabhī ke achchhe the
to phir ye qatl kī sāzish meñ naam kis kā thā
nazar ki qaid mein ab tak salam kis ka tha
us ek shaKHs ke honTon pe nam kis ka tha
hasin lafz hi meri zaban se nikle
mere shuur mein husn-e-kalam kis ka tha
KHud apni fikr ke dariya mein Dub kar dekho
nigah-e-waqt mein uncha maqam kis ka tha
sabhi the shahr mein patthar ki dastan wale
meri zaban pe ye shirin kalam kis ka tha
tamam rauzan-o-dar par charagh raushan the
tere makan ke andar qiyam kis ka tha
KHuda-parast the tum to sabhi ke achchhe the
to phir ye qatl ki sazish mein nam kis ka tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
