nazar kisi ki nazar se nahin ulajhti thi

nazar kisī kī nazar se nahīñ ulajhtī thī

vo din bhī the ki yūñhī zindagī guzartī thī

sitāre apne liye ḳhvāhishoñ kī manzil the

hasīn raat hameñ chāñdnī pilātī thī

rahe the apnī havāoñ meñ ek umr magar

bikhar paḌe to har ik gaam apnī hastī thī

yahī bahut thā ki kuchh log aa ke kahte the

vo merā zikr bahut muḳhlisāna kartī thī

nazar meñ pyaar bhī thā aur takallufāt bhī the

kahā kareñge kabhī ham ajiib laḌkī thī

ḳhamosh rahtī thī gahre samundaroñ kī tarah

vo āñkheñ jin se nirī shā.irī bikhartī thī

use mile to phir is baat kā surāġh milā

hameñ ye zindagī kyuuñ itnī pyārī lagtī thī

na jaane kitne hī safhoñ pe dil bikherā magar

na kah sake to vo ik baat hī jo kahnī thī

nazar kisi ki nazar se nahin ulajhti thi

wo din bhi the ki yunhi zindagi guzarti thi

sitare apne liye KHwahishon ki manzil the

hasin raat hamein chandni pilati thi

rahe the apni hawaon mein ek umr magar

bikhar paDe to har ek gam apni hasti thi

yahi bahut tha ki kuchh log aa ke kahte the

wo mera zikr bahut muKHlisana karti thi

nazar mein pyar bhi tha aur takallufat bhi the

kaha karenge kabhi hum ajib laDki thi

KHamosh rahti thi gahre samundaron ki tarah

wo aankhen jin se niri shairi bikharti thi

use mile to phir is baat ka suragh mila

hamein ye zindagi kyun itni pyari lagti thi

na jaane kitne hi safhon pe dil bikhera magar

na kah sake to wo ek baat hi jo kahni thi