nazar ko ishq bhi aisi safai deta hai

nazar ko 'ishq bhī aisī safā.ī detā hai

ki āsmāñ se pare bhī dikhā.ī detā hai

ḳhudā ne rakkhā hai jis nek kaam kā jo ajr

binā hisāb kiye paa.ī paa.ī detā hai

ḳhudā ke baa'd bharosa kare jo ḳhud pe use

ḳhudā bhī himmat-e-zor-āzmā.ī detā hai

ḳhalā meñ tairtī duniyā ye be-sahārā zamīñ

'ajīb sā ye karishma dikhā.ī detā hai

hai phir salīb kī zad par hilāl kā parcham

jahān-e-ummat-e-mursal duhā.ī detā hai

sharīk kartā hai jo lā-sharīk meñ ai 'hosh'

vo ḳhud ko donoñ jahāñ kī burā.ī detā hai

nazar ko 'ishq bhi aisi safai deta hai

ki aasman se pare bhi dikhai deta hai

KHuda ne rakkha hai jis nek kaam ka jo ajr

bina hisab kiye pai pai deta hai

KHuda ke ba'd bharosa kare jo KHud pe use

KHuda bhi himmat-e-zor-azmai deta hai

KHala mein tairti duniya ye be-sahaara zamin

'ajib sa ye karishma dikhai deta hai

hai phir salib ki zad par hilal ka parcham

jahan-e-ummat-e-mursal duhai deta hai

sharik karta hai jo la-sharik mein ai 'hosh'

wo KHud ko donon jahan ki burai deta hai