nazar ko wusaten de bijliyon se aashna kar de

nazar ko vus.ateñ de bijliyoñ se āshnā kar de

fasāna tuur kā tajdīd ai jazb-e-rasā kar de

miTā de zauq-e-mahviyyat se ḳhalvat aur jalvat ko

agar tū kar sake dil ko harīm-e-dil-rubā kar de

hijābāt-e-nazar kab tak kahāñ tak dil kī mahrūmī

madad ai shauq nazroñ ko qayāmat-āzmā kar de

banā hai mai-kada ahl-e-havas kī bazm ai saaqī

tirā tark-e-ta.alluq dekhnā jaane na kyā kar de

ba-majbūrī ba-āḳhir ye mujhe kahnā hī paḌtā hai

bahut pur-fan huī duniyā nigāhoñ ko ḳhafā kar de

tire naġhme surūr-o-kaif meñ ai 'tāj' Dhalte haiñ

hadīs-e-husn-o-ulfat ko diloñ kā mudda.ā kar de

nazar ko wusaten de bijliyon se aashna kar de

fasana tur ka tajdid ai jazb-e-rasa kar de

miTa de zauq-e-mahwiyyat se KHalwat aur jalwat ko

agar tu kar sake dil ko harim-e-dil-ruba kar de

hijabaat-e-nazar kab tak kahan tak dil ki mahrumi

madad ai shauq nazron ko qayamat-azma kar de

bana hai mai-kada ahl-e-hawas ki bazm ai saqi

tera tark-e-talluq dekhna jaane na kya kar de

ba-majburi ba-aKHir ye mujhe kahna hi paDta hai

bahut pur-fan hui duniya nigahon ko KHafa kar de

tere naghme surur-o-kaif mein ai 'taj' Dhalte hain

hadis-e-husn-o-ulfat ko dilon ka muddaa kar de