nazar mein apni kabhi is qadar bura to na tha

nazar meñ apnī kabhī is qadar burā to na thā

maiñ apne-āp se pahle gurez-pā to na thā

ye kyā kiyā use taqdīr sauñp dī apnī

mirī tarah vo ik insān thā ḳhudā to na thā

guzar gayā jo barābar se muñh chhupā.e hue

ye sochtā huuñ kahīñ koī āshnā to na thā

kise qubūl thā zindān-e-āb-o-gil lekin

ab aur us ke sivā koī rāsta to na thā

jamī thiiñ mujh pe nigāheñ jo ik zamāne kī

mujhe vo muḌ ke sar-e-rāh dekhtā to na thā

tamām-umr rahī jis kī justujū 'ḳhāvar'

kahīñ vo shaḳhs mujhī meñ chhupā huā to na thā

nazar mein apni kabhi is qadar bura to na tha

main apne-ap se pahle gurez-pa to na tha

ye kya kiya use taqdir saunp di apni

meri tarah wo ek insan tha KHuda to na tha

guzar gaya jo barabar se munh chhupae hue

ye sochta hun kahin koi aashna to na tha

kise qubul tha zindan-e-ab-o-gil lekin

ab aur us ke siwa koi rasta to na tha

jami thin mujh pe nigahen jo ek zamane ki

mujhe wo muD ke sar-e-rah dekhta to na tha

tamam-umr rahi jis ki justuju 'KHawar'

kahin wo shaKHs mujhi mein chhupa hua to na tha