nazar mein jab se teri chashm-e-kaif-amez hai saqi

nazar meñ jab se terī chashm-e-kaif-āmez hai saaqī

mujhe jām-e-sharāb-e-nāb se parhez hai saaqī

nigāh-e-shauq kī hairāniyāñ baḌhtī hī jaatī haiñ

hazāroñ rang meñ ye kaun jalva-rez hai saaqī

idhar to jalva-gar dil meñ idhar poshīda āñkhoñ se

ye nazdīkī meñ duurī bhī tahayyur-ḳhez hai saaqī

ye kyā sūjhī tujhe duniyā-e-nau kī tarah-andāzī

jahāñ kā zarra zarra inqalāb-angez hai saaqī

shahīdān-e-mohabbat zinda-e-jāved hote haiñ

vo amrit hai jo terā ġhamza-e-ḳhūñ-rez hai saaqī

ḳharābāt-e-do-ālam kā mujhe mastāna kahte haiñ

mirā dil bāda-e-anvār se labrez hai saaqī

tirā 'zā.iq' na kyoñ nāzān ho iqbāl par apne

savād-e-hind jis se sānī-e-tabrez hai saaqī

nazar mein jab se teri chashm-e-kaif-amez hai saqi

mujhe jam-e-sharab-e-nab se parhez hai saqi

nigah-e-shauq ki hairaniyan baDhti hi jati hain

hazaron rang mein ye kaun jalwa-rez hai saqi

idhar to jalwa-gar dil mein idhar poshida aankhon se

ye nazdiki mein duri bhi tahayyur-KHez hai saqi

ye kya sujhi tujhe duniya-e-nau ki tarah-andazi

jahan ka zarra zarra inqalab-angez hai saqi

shahidan-e-mohabbat zinda-e-jawed hote hain

wo amrit hai jo tera ghamza-e-KHun-rez hai saqi

KHarabaat-e-do-alam ka mujhe mastana kahte hain

mera dil baada-e-anwar se labrez hai saqi

tera 'zaiq' na kyon nazan ho iqbaal par apne

sawad-e-hind jis se sani-e-tabrez hai saqi