nazar mein KHumar-e-sharab-e-mohabbat hasin ruKH pe zulfon ka aanchal girae

nazar meñ ḳhumār-e-sharāb-e-mohabbat hasīñ ruḳh pe zulfoñ kā āñchal girā.e

ye kaun aa rahā hai ḳhirāmāñ-ḳhirāmāñ nazar bahkī-bahkī qadam laḌkhaḌā.e

qayāmat se kam koī lamha nahīñ hai ḳhudā jaane milne ko kab aaoge tum

umīdoñ kā sūraj bhī Dhalne lagā hai baḌhe jā rahe haiñ daraḳhtoñ ke saa.e

nahīñ 'ishq muhtāj pābandiyoñ kā haqīqat yahī hai 'aqīdat yahī hai

lagā dī vahīñ muhr-e-ulfat jabīñ se jahāñ aap ke naqsh-e-pā ham ne paa.e

nazar mein KHumar-e-sharab-e-mohabbat hasin ruKH pe zulfon ka aanchal girae

ye kaun aa raha hai KHiraman-KHiraman nazar bahki-bahki qadam laDkhaDae

qayamat se kam koi lamha nahin hai KHuda jaane milne ko kab aaoge tum

umidon ka suraj bhi Dhalne laga hai baDhe ja rahe hain daraKHton ke sae

nahin 'ishq muhtaj pabandiyon ka haqiqat yahi hai 'aqidat yahi hai

laga di wahin muhr-e-ulfat jabin se jahan aap ke naqsh-e-pa hum ne pae