nazar milate nahin muskurae jate hain
nazar milāte nahīñ muskurā.e jaate haiñ
batāo yuuñ bhī kahīñ dil milā.e jaate haiñ
hujūm-e-jalva-e-rañgīñ kā mudda.ā ma.alūm
hamārī tāb-e-nazar āzmā.e jaate haiñ
hijāb ho magar aisā bhī kyā hijāb āḳhir
jhalak dikhāte nahīñ muñh chhupā.e jaate haiñ
hudūd-e-kūcha-e-jānāñ meñ aa ga.e shāyad
qadam qadam pe qadam Dagmagā.e jaate haiñ
ye kis kā zikr hai ai 'tāj' lab pe shām-o-sahar
ye kis ki yaad meñ aañsū bahā.e jaate haiñ
nazar milate nahin muskurae jate hain
batao yun bhi kahin dil milae jate hain
hujum-e-jalwa-e-rangin ka muddaa malum
hamari tab-e-nazar aazmae jate hain
hijab ho magar aisa bhi kya hijab aaKHir
jhalak dikhate nahin munh chhupae jate hain
hudud-e-kucha-e-jaanan mein aa gae shayad
qadam qadam pe qadam Dagmagae jate hain
ye kis ka zikr hai ai 'taj' lab pe sham-o-sahar
ye kis ki yaad mein aansu bahae jate hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
