nazar milne se pahle hi nazara mil gaya mujhko

nazar milne se pahle hī nazārā mil gayā mujh ko

ki tanhā Duub jaane kā sahārā mil gayā mujh ko

hayāt-o-marg kī manzil huī hai pyaar meñ āsāñ

kināre se kahīñ pahle kinārā mil gayā mujh ko

chubhan bhī saath laa.ī haiñ uḌā kar nik.hat-e-gul meñ

havāoñ se patā apnā tumhārā mil gayā mujh ko

tasavvur aaj pahuñchā de mujhe aisī bulandī par

ki tere ḳhaas jalvoñ kā ishāra mil gayā mujh ko

jhukī palkoñ kī pahnā.ī meñ raqsāñ hai bahār-e-gul

'kañval' pal meñ chaman saare kā saarā mil gayā mujh ko

nazar milne se pahle hi nazara mil gaya mujh ko

ki tanha Dub jaane ka sahaara mil gaya mujh ko

hayat-o-marg ki manzil hui hai pyar mein aasan

kinare se kahin pahle kinara mil gaya mujh ko

chubhan bhi sath lai hain uDa kar nikhat-e-gul mein

hawaon se pata apna tumhaara mil gaya mujh ko

tasawwur aaj pahuncha de mujhe aisi bulandi par

ki tere KHas jalwon ka ishaara mil gaya mujh ko

jhuki palkon ki pahnai mein raqsan hai bahaar-e-gul

'kanwal' pal mein chaman sare ka sara mil gaya mujh ko